Bílar

Lada Sport er enn í framleiðslu

Finnur Thorlacius skrifar
Rússneski bílaframleiðandinn Avtovaz hafði uppi áform að kynna þriðju kynslóð sportjeppans Lada Sport á þessu ári en ýmis vandamál hafa seinkað þeim óformum.
Rússneski bílaframleiðandinn Avtovaz hafði uppi áform að kynna þriðju kynslóð sportjeppans Lada Sport á þessu ári en ýmis vandamál hafa seinkað þeim óformum.

Lada Sport sem margir Íslendingar kannast við hefur ekki alveg sagt sitt síðasta. Bíllinn er enn í dag í boði og í Þýskalandi stendur mönnum honum til boða í sérstakri afmælisútgáfu sem ber heitið Nivan Urban Hipster og er fjórhjóladrifinn. Lada Sport eða Lada Niva eins og þessi rússneski jepplingur heitir réttu nafni var mjög vinsæll bíll á Íslandi í kringum 1980.

Enn í dag sést Lada Sport á vegum hér á landi. Lada Niva er orðinn meðal langlífari bíla sögunnar. Hann kom fyrst á markað árið 1977 og hefur lítið breyst í gegnum tíðina. Vélin er meira að segja mikið til eins og í upphafi nema að rúmtak hennar sem var 1,6 lítrar er orðinn 1,7. Í stað tímakeðju er kominn tímareim og í stað blöndungs er komin eldsneytisinnsprautun.

Bíllinn er rúmlega 80 hestöfl og er rúmar 20 sekúndur í hundraðið. Ekki fara sögur af því hvernig salan á bílnum í Þýskalandi gengur en hann kostar þar í landi um 1,5 milljónir íslenskra krónur. Rússneski bílaframleiðandinn Avtovaz hafði uppi áform að kynna þriðju kynslóð sportjeppans Lada Sport á þessu ári en ýmis vandamál hafa seinkað þeim óformum. Þessi frétt birtist fyrst á heimsíðu FÍB.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira