Bílar

Bílasýning aðeins fyrir konur í Sádí Arabíu

Finnur Thorlacius skrifar
Konur hafa endurheimt leyfi til að aka bílum í Sádí Arabíu.
Konur hafa endurheimt leyfi til að aka bílum í Sádí Arabíu.

Aðeins sex mánuðum eftir að kvenfólki var aftur leyft að aka bílum í Sádí Arabíu var efnt til fyrstu bílasýningarinnar eingöngu ætlaða fyrir konur. Var sýningin haldin í Le Mall í Jeddah í þessari viku og var mjög vel sótt. Sádí Arabía var eina landið sem bannaði konum að aka bílum og var þetta bann lýsandi fyrir afar afturhaldssama stjórn landsins.

Það var prinsinn Mohammed bin Salman, sem er aðeins 32 ára, sem ákvað að aflétta banninu og er það talið marka stefnu til meira frjálsræðis og jafnræðis meðal kynjanna í Sádí Arabíu. Framfærslukostnaður hefur hækkað umtalsvert með tilkomu virðisaukaskatts sem ekki var við lýði áður og hærra eldsneytisverðs í Sádí Arabíu.

Þessar breytingar hafa líklega haft áhrif á hvaða bílar völdust á þessa fyrstu bílasýningu fyrir kvenfólk, en þar voru helst kynntir sparneytnir bílar og var staðsetningin afar kvenvæn, en hún var haldin í stóru molli. Það merkilegasta við þetta moll er þó það að því er nær eingöngu stjórnað af kvenfólki og þar vinnur nær eingöngu kvenfólk.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.