Bílar

Brimborg frumsýnir Volvo V60 og Citroën C3 Aircross

Finnur Thorlacius skrifar
Volvo V60 AWD tengiltvinnbíllinn er 290 hestafla tryllitæki með mikið drægi.
Volvo V60 AWD tengiltvinnbíllinn er 290 hestafla tryllitæki með mikið drægi.

Brimborg efnir til tvöfaldrar frumsýningar á morgun en þá verður tengiltvinnútgáfa Volvo V60 bílsins með fjórhjóladrifi kynntur, en einnig nýr Citroën C3 Aircross sportjeppi. Volvo V60 AWD tengiltvinnbíllinn er öflugur 290 hestafla bíll með 900 km drægi með fulla rafmagnshleðslu og fullan eldsneytistank. Þessi bíll kemst fyrstu 50 kílómetrana eingöngu á rafmagni og uppgefin eyðsla hans er 1,8 lítrar. Verð hans er 5.490.000 kr.

Öllu ódýrari er Citroën C3 Aircross, enda talsvert minni bíll þar á ferð. Verð hans er 2.990.000 kr. Þar fer bíll með mikla veghæð, Grip Control spólvörn og brekkuaðstoð. Ökumaður situr hátt í bílnum og hefur góða sýn fram á veginn í þessum sportjeppa. Bíllinn er rúmgóður með breiðum og þægilegum sætum, hátt er til lofts og gott fótapláss.

Farangursrými bílsins er það stærsta í þessum flokki bíla eða 410 lítrar og að auki eru aftursætin á sleða svo auðvelt er að stækka farangursýmið enn meira. Frumsýning á þessum bílum eru á morgun, laugardag milli kl. 12 og 16 í sýningarsal Brimborgar að Bíldshöfða og við Tryggvabraut 5 á Akureyri.

Citroën C3 Aircross er háfættur.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira