Bílar

TM fær 5 nýja Kia Niro PHEV

Finnur Thorlacius skrifar
Kátir starfsmenn TM við nýju bílana.
Kátir starfsmenn TM við nýju bílana.

,,Þessir nýju Kia Niro tengiltvinnbílar fyrir tjónaþjónustu TM eru liður í því að ná markmiðum félagsins til 2030 um lækkun á kolefnisfótspori. TM er aðili að yfirlýsingu Festu og Reykjavíkurborgar um loftlagsmál og væntir TM þess að nýir bílar og hleðslustöðvar munu verða mikilvægur þáttur í að ná árangri í þessum efnum," segir Óskar Baldvin Hauksson, framkvæmdastjóri fjármála- og rekstrarsviðs TM.

Kia Niro PHEV er með 58 km rafaksturdrægni við bestu aðstæður. Eyðslan í blönduðum akstri er frá 1,3 L/100 km og CO2 losun er einungis 29 g/km. Bíllinn er með 1,6 lítra bensínvél og rafmótor en samanlagt skilar tengiltvinnvélin  141 hestafli og hámarkstog er 265 Nm.

,,Það hefur verið mikil sala á Plug-in Hybrid bílum síðustu mánuði enda eru þessir bílar góður kostur fyrir fyrirtæki sem og einstaklinga enda bæði umhverfismildir og hagkvæmir. Við finnum fyrir miklum áhuga á Plug-in Hybrid bílum okkar sem kemur ekki á óvart enda hægt að keyra á rafmagni allt að 58 km við bestu aðstæður en síðan tekur bensínvélin við. Það má segja að þarna sameinist það besta úr báðum heimum," segir Þorgeir Pálsson, sölustjóri Kia hjá Öskju.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.