Bílar

Subaru brillerar í Bandaríkjunum

Finnur Thorlacius skrifar
Subaru Forester er traustur bíll í snjónum.
Subaru Forester er traustur bíll í snjónum.

Subaru bílar hafa á síðustu árum selst eins og heitar lummur í Bandaríkjunum og mikill og stöðugur vöxtur verið í sölu þeirra á hverju ári. Nýliðið ár var engin undantekning á því þar sem Subaru seldi alls 647.956 bíla þar. Nýliðinn desember var besti sölumánuður Subaru vestanhafs frá upphafi og seldi fyrirtækið þá 63.342 bíla, eða nálægt því 10% af heildarsölu ársins. Forvitnilegt er að bera saman sölu Subaru bíla í Evrópu og í Bandaríkjunum, en árið 2016 seldust 37.189 Subaru bílar í Evrópu, eða ríflega 17 sinnum færri bílar en seldust í fyrra í Bandaríkjunum.

Reyndar er staðreyndin sú að tveir af hverjum þremur bílum (67,1%) sem Subaru framleiðir er seldur í Bandaríkjunum en aðeins 4,6% í Evrópu. Árið 2010 voru Bandaríkin með 48,3% og Evrópa 8,5%. Salan í Asíu er 23,1% af heildarsölunni. Það hefur gagnast Subaru mjög hvernig samsetning bílgerða þeirra er og bílar eins og Outback, Forester og XV hafa runnið út líkt og jepplingar annarra bílaframleiðenda. Sömu sögu er ekki að segja um fólksbíla Subaru, nema nýja gerð Impreza bílsins, en sala Impreza jókst um 55% í Bandaríkjunum í fyrra. Legacy, BRZ og WRX/STI seldust hinsvegar ver í fyrra en árið á undan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.