Erlent

Líkamsleifar de Araujo fundnar

Ingvar Þór Björnsson skrifar
Lögregla óskaði eftir ábendingum frá almenningi í tengslum við leitina.
Lögregla óskaði eftir ábendingum frá almenningi í tengslum við leitina. Vísir/Skjáskot

Líkamsleifar Maelys de Araujo, níu ára gamallar franskrar stúlku sem hvarf í brúðkaupi í ágúst, hafa verið fundnar. BBC greinir frá.

Maelys hvarf úr brúðkaupi í bænum Pont-de-Beauvoisin 27. ágúst á síðasta ári. Hinn 34 ára gamli Nordahl Lelandais, fyrrum hermaður, hefur játað að hafa myrt stúlkuna. Segir hann að um manndráp af gáleysi sé að ræða en hefur ekki viljað greina nánar frá málsatvikum.

Lelandais ákvað að sýna samstarfsvilja þegar lögreglan fann blóð í bíl hans á dögunum. Segist hann hafa losað sig við líkið og beðið forleldra stúlkunnar afsökunar. Hann hafði áður viðurkennt að Maelys hafi verið í bíl hans kvöldið sem hún hvarf.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira