Lífið

Tók James Blunt tæplega fimm mánuði að skjóta fullkomlega á John Mayer

Stefán Árni Pálsson skrifar
Blunt er gríðarlega vinsællt á Twitter.
Blunt er gríðarlega vinsællt á Twitter.

Söngvarinn John Mayer setti inn tíst í október sem verður að teljast heldur djúpt. Í íslenskri þýðingu myndi það vera svona:

„Ef þú ert sæt, þá ert þú bara sæt. Eina leiðin til að vera talin falleg er að gefa frá sér einhverja ást. Annars myndi fólk bara segja við þig: „til hamingju með þetta fallega andlit.“

Tónlistarmaðurinn James Blunt er gríðarlega orðheppinn á Twitter og er hann talinn einn af þeim allra bestu, þegar fína og fræga fólkið er annars vegar.

Hann tók sinn tíma í að svara Mayer en svarið kom í gær. Tístið frá Blunt var mjög einfalt og hljómaði svona: „Ég er búinn að fjalla um þetta“.

Þar vísar Blunt í hans allra vinsælasta lag. Lagið You're beautiful sem hann gaf út árið 2004 og var á plötunni  Back to Bedlam.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira