Viðskipti innlent

„Horfið á hvernig verið er að fara með þessa konu“

Stefán Ó. Jónsson skrifar
Steinunn Valdís Óskarsdóttir og Rannveig Rist voru meðal þeirra sem deildu reynslu sinni á degi Ungra Athafnakvenna.
Steinunn Valdís Óskarsdóttir og Rannveig Rist voru meðal þeirra sem deildu reynslu sinni á degi Ungra Athafnakvenna.

Steinunn Valdís Óskarsdóttir, fyrrverandi þingmaður Samfylkingarinnar, telur að Íslendingar eigi að fylkja sér að baki Katrínu Olgu Jóhannesdóttur, formanni Viðskiptaráðs.

Tilefnið eru fréttir af því að Katrín hafi verið felld í stjórnarkjöri Icelandair fyrir helgi, en hún hafði setið í stjórn félagsins frá árinu 2009. Hópur hluthafa er sagður hafa verið ósáttur við þá ákvörðun Katrínar að selja hlut sinn í Icelandair Group árið 2016 og því hafi hún ekki hlotið endurkjör.

Steinunn Valdís tók þátt í umræðum á vegum Ungra athafnakvenna sem fram fóru í Hörpu á laugardag. Í máli sínu tæpti hún á fyrrnefndu stjórnarkjöri sem hún sagði vera „æpandi dæmi“ um misréttið sem hún segir þrífast í íslensku viðskiptalífi.

„Það var enginn að tala um það karlar hefðu selt hlutabréf á svipuðum tíma, forstjórar Haga eða hverjir sem það eru þarna úti. Hún bara lá vel við höggi,“ segir Steinunn Valdís.

„Vekur það eingöngu reiði þegar kona selur?“

Margrét Kristmannsdóttir, framkvæmdastjóri PFAFF, tók í sama streng á bloggsíðu sinni í gær þar sem hún útlistaði sölur karlkyns stjórnenda á hlutabréfum á síðustu árum. Dæmin sem Margrét tekur eru: 

2015: Stjórnarformaður Nýherja selur hlutabréf fyrir 130 milljónir
2016: Stjórnarmaður í Marel selur fyrir 124 milljónir
2016: Helstu stjórnendur Haga selja fyrir hundruð millljóna
2017: Helstu stjórnendur og stjórnarmenn N1 selja fyrir hundruð milljóna
2017: Stjórnarformaður TM selur fyrir 172 milljónir

„Vekur það eingöngu reiði þegar kona selur fyrir 9 milljónir sem er örhlutur í samanburði við upphæð strákanna?“ spurði Margrét og bætti við að „áhugavert [verði] að fylgjast með hvort að sala strákanna muni hafa áhrif á stöðu þeirra.“


Katrín Olga hafi ógnað

Steinunn Valdís telur að Katrín hljóti þessa meðferð ekki síst vegna þess að „hún er að ógna. Hún er komin í gegnum glerþakið,“ eins og Steinunn orðaði það. Katrín hafi til að mynda talað fyrir því að konur í viðskiptalífinu stigi fram undir merkjum #MeToo og greini frá því ofbeldi og þeirri áreitni sem þær hafi orðið fyrir, líkt og aðrar stéttir hafa gert.

„Og horfið á hvernig verið er að fara með þessa konu, þessa dagana. Við eigum að mótmæla þessu. Við eigum að standa með þessari konu. Hún er örugglega í sárum einhvers staðar heima hjá sér og það er enginn að sinna henni,“ sagði Steinunn og uppskar lófatak fyrir vikið. Ummæli Steinunnar má sjá í spilaranum hér að neðan þegar um 25 mínútur eru liðnar af myndbandinu.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
0,13
5
93.108
VIS
0
3
9.252
ORIGO
0
1
5.125
SJOVA
0
6
57.051
TM
0
1
15.150

Mesta lækkun dagsins


Félag
Br.%
Fjöldi
Velta*
REGINN
-2,06
5
38.300
SIMINN
-1,84
5
90.353
N1
-1,65
6
126.050
REITIR
-1,52
3
54.714
SYN
-1,42
5
94.490
Velkomin á Vísi. Þessi vefur notar vafrakökur. Sjá nánar.