Lífið kynningar

Jólahlaðborð á endurbættri Hótel Örk

Hótel Örk kynnir
Glæsilegt jólahlaðborð á Hótel Örk
Glæsilegt jólahlaðborð á Hótel Örk Hótel Örk

Hótel Örk hefur gengið í gegnum miklar endurbætur og breytingar á undanförnum árum. Móttökusvæðið var tekið í gegn og því gjörbreytt, það stækkað og öll aðstaða fyrir gesti bætt til muna. Því næst var farið í endurbætur á því rými sem hýsti veitingastað hótels Arkar. Þar er nú nýr veitingastaður, HVER Restaurant og bar í glæsilegu rými. Einnig var farið í endurbætur á stærsta fundar- og veislusal hótelsins og er það eins og nýtt með fullkomnu fundar- og hljóðkerfi. Jólahlaðborð hótelsins er haldið í þessum rýmum líkt og áður.

Salarkynnin hafa verið endurnýjuð.

Geir Gígja, markaðsstjóri Hótels Arkar segir framkvæmdirnar hafa gengið frábærlega. 

„Útlit þessarar hæðar er framar björtustu vonum að loknum endurbótum. Á síðasta ári hófst síðan vinna við stækkun hótelsins og lauk henni í sumarbyrjun. Þar bættust við um 78 glæsilega hönnuð herbergi,“ segir Geir.

Flest nýju herbergin eru Superior herbergi með stóra glugga svo gestir fullnýta það góða útsýni sem er úr herbergjunum. Einnig eru þar nokkrar Junior svítur sem henta fjölskyldum sérstaklega vel en í þeim er svefnsófi og svo sér svefnherbergi.  Á efstu hæð hótelsins eru tvær glæsilegar svítur, um 55 fm að stærð með hornsvölum og frábæru útsýni í tvær áttir. Í svítunni er tvö salerni, baðherbergi með sturtu og baðkari og sér svefnherbergi.  „Rúsínan í pylsuendanum er þakgluggi beint fyrir ofan rúmið í svítunni svo gestir geta notið norðurljósanna sem dansa oft á himninum fyrir ofan hótel Örk,“ segir Geir.

Nýr veitingastaður og bar í endurhönnuðu rými.

Jóahlaðborðin hefjast

Þessa dagana eru jólahlaðborðin að hefjast en þau eru að vanda girnileg.

„Á hótel Örk eru jólahlaðborð eldri borgara þar sem eldri borgurum eru boðin sérverð og hefur Gunnar Þorláksson haldið utan um sérstaka dagskrá á þeim hlaðborðum undanfarin ár.

Líkt og á almennu jólahlaðborðunum okkar er boðið uppá helstu rétti sem finna má á jólahlaðborðum svo sem síldarsalat, grafinn lax, villibráð, hangikjöt, kalkúnabringu og auðvitað er purusteikin á sínum stað. Í eftirrétt er Ris a´la mande, súkkulaðikaka, Créme Brulée og ýmislegt annað. Á almennu jólahlaðborðunum sér Ingvar Jónsson veislustjóri um að skemmta gestum yfir borðhaldi.“

Sjötíu og átta ný og glæsileg herbergi voru tekin í notkun í sumarbyrjun eftir að hótelið var stækkað.

Vinsælt að gista eftir jólahlaðborð

„Mörg fyrirtæki og hópar taka sig saman og koma á jólahlaðborðið í ár, líkt og fyrri ár og með auknum fjölda herbergja getum við núna tekið á móti mun fleiri gestum sem gista hjá okkur,“ segir Geir. 
„Þeir sem sem ætla sér ekki að gista en vilja koma og njóta matar eru auðvitað einnig hjartanlega velkomnir.“  Þá hafi jólahlaðborðunum fjölgað frá og er nú haldið sex daga.  Sumir dagar eru þegar uppbókaðir en eitthvað er ennþá laust á öðrum og er hægt að bóka borð í netfanginu booking@hotelork.is eða í síma 483-4700.

Endurbætur á móttökurými hótelsins tókust afar vel.

Þessi kynning er unnin í samstarfi við Hótel Örk.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.