Viðskipti innlent

Ekki sjálfgefið hvaða banka eigi að selja og hvernig

Þorbjörn Þórðarson skrifar
Kolbeinn Óttarsson Proppé þingmaður Vinstri grænna.
Kolbeinn Óttarsson Proppé þingmaður Vinstri grænna.

Kolbeinn Óttarsson Proppé þingmaður Vinstri grænna segir að borið hafi á þröngsýni í umræðu um hvítbók um framtíðarsýn fyrir fjármálakerfið. Hann segir engan veginn sjálfgefið hvaða banka eigi að selja og hvernig. Velta þurfi upp öllum kostum hvað fjármálakerfið varðar og spyr hvort rétt sé að sameina Landsbankann og Íslandsbanka.

Hvítbók um framtíðarsýn fyrir fjármálakerfið kom út hinn 10. desember síðastliðinn. Þar er lagt til að kannaður verði möguleikinn á því að selja Íslandsbanka í heild eða að hluta til erlends banka. Þá leggja höfundar til að hafinn verði undirbúningur á sölu á hluta af eignarhlut ríkisins í Landsbankanum einnig.

Fram kemur í stefnuyfirlýsingu ríkisstjórnarinnar að hún vilji losa um eignarhald ríkisins á bönkunum. „Eignarhald ríkisins á fjármálafyrirtækjum er það umfangsmesta í Evrópu og vill ríkisstjórnin leita leiða til að draga úr því. Ljóst er þó að ríkissjóður verður leiðandi fjárfestir í að minnsta kosti einni kerfislega mikilvægri fjármálastofnun,“ segir þar.

Í stefnuyfirlýsingunni segir einnig að ríkisstjórnin ætli ekki að taka neinar stefnumarkandi ákvarðanir um fjármálakerfið fyrr en hvítbókin hefur verið lögð fram á Alþingi. Hvítbókin hefur ekki verið lögð fyrir Alþingi og því hefur engin umræða farið fram á þeim vettvangi um efni hennar. Samkvæmt upplýsingum fréttastofu er stefnt að sérstakri umræðu um hvítbókina snemma á vorþingi. 

Velta þurfi upp öllum kostum um eignarhald ríkisins á bönkunum að mati Kolbeins, til að mynda hvort rétt sé að sameina Landsbankann og Íslandsbanka. Vísir

Ríkissjóður á rúmlega 98 prósent hlutafjár í Landsbankanum og 100 prósent hlutafjár í Íslandsbanka. Kolbeinn Óttarsson Proppé þingmaður Vinstri grænna segir í grein í Fréttablaðinu í dag að gætt hafi á þröngsýni í umræðu um hvítbókina um það sem snýr að sölu á eignarhlutum ríkisins í bönkunum.

Kolbeinn segir engan veginn sjálfgefið hvað eigi að selja og hvernig. Velta þurfi upp öllum kostum hvað fjármálakerfið varðar og spyr hvort rétt sé að sameina Landsbankann og Íslandsbanka.

„Því miður hefur umræðan eingöngu snúist um að það þurfi að drífa í því að selja banka. Menn eru búnir að reikna út hvað fáist fyrir þá og jafnvel byrjaðir að eyða peningunum sem fást fyrir sölu bankanna án þess að ræða hvernig eigi að gera þetta. Í stjórnarsáttmálanum er mjög skýrt að ríkissjóður verði leiðandi fjárfestir í að minnsta kosti einni kerfislega mikilvægri fjármálastofnun og þetta er bara umræða sem þarf að fara af stað. Á að gera eitthvað í bankakerfinu?“ spyr Kolbeinn í samtali við fréttastofu. 

„Eigum við að sameina Íslandsbanka og Landsbankann og búa til eina stóra bankastofnun sem yrði að meirihluta í eigu ríkisins? Eigum við að fara út í hugmyndir um samfélagsbanka? Það er þarna sem umræðan á að vera núna. En ekki á hinum endanum um að menn séu farnir að eyða peningum fyrir sölu banka sem er ekki einu sinni búið að ákveða,“ segir Kolbeinn. 


Tengdar fréttir

Þröngsýni um fjármálakerfið

Hvítbók um fjármálakerfið er góður grundvöllur fyrir umræðu um hvernig við viljum haga málum á því sviði. Því miður hefur of mikið borið á þröngsýni um þá kosti sem fyrir hendi eru, bæði í umræðunni sem útgáfa hennar hefur skapað sem og í hvítbókinni sjálfri.

Um 300 milljarðar gætu fengist fyrir Íslandsbanka og helmingshlut í Landsbankanum

Ríkissjóður gæti fengið tæplega 300 milljarða króna fyrir Íslandsbanka og helmingshlut í Landsbankanum, sé eingöngu miðað við bókfært virði eigin fjár. Fyrir það fé væri hægt að leggja innri leið Sundabrautar og byggja nýjan Landspítala við Hringbraut en samt eiga um 200 milljarða króna í afgang.

Telur tímabært að hefja undirbúning á sölu bankanna

Framkvæmdastjóri Viðskiptaráðs Íslands segir tímabært að ríkisstjórnin hefji undirbúning á sölu á Íslandsbanka og hluta af Landsbankanum nú þegar hvítbók um framtíðarsýn fyrir fjármálakerfið liggur fyrir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
5,81
198
784.213
LEQ
2,14
1
30.895
MARL
1,32
52
2.099.147
GRND
0,68
4
50.110

Mesta lækkun dagsins


Félag
Br.%
Fjöldi
Velta*
GRND
-2,46
7
55.714
EIK
-2,24
7
75.346
REITIR
-1,86
12
277.872
SIMINN
-1,77
8
142.210
FESTI
-1,74
5
116.070
Velkomin á Vísi. Þessi vefur notar vafrakökur. Sjá nánar.