Lífið kynningar

Húrra verður heitasti dansbar bæjarins

Húrra dansbar kynnir
Nýir eigendur hafa tekið Húrra í gegn. Opnunarpartý á laugardagskvöldið.
Nýir eigendur hafa tekið Húrra í gegn. Opnunarpartý á laugardagskvöldið. Vilhelm

Andrés Þór Björnsson og Ómar Ingimarsson hafa keypt skemmtistaðinn Húrra að Tryggvagötu 22. Síðustu daga hafa þeir unnið hörðum höndum við að taka allt í gegn og opna dúndrandi dansstað um helgina.

„Húrra dansbar verður heitasti dansstaðurinn í bænum,“ segir Andrés. „Hér er búið að taka allt í gegn, mála allt, ný gólfefni og nýtt dansgólf, og betrum bæta staðinn helling. Það veitti ekki af að fríska upp á hlutina. Hér var búið að graffa út um allt og spreyja, gólfið var bara steypa og orðið grútskítugt og ljótt. Við hreinsuðum þetta allt upp og tókum staðinn vel í gegn. Þetta er ennþá Húrra en heitir núna Húrra dansbar,“ segir Andrés, það hafi sárvantað góðan stað til að dansa á.

Andrés Þór Björnsson og Ómar Ingimarsson hafa frískað rækilega upp á Húrra og lofa dúndrandi dansstemmingu á Húrra dansbar.

Breyttar áherslur og meiri dans

„Við leggjum áherslu á að vera með eitthvað fyrir alla, komnir með nýjan DJ bókara hann Óla Dóra og svo mun Sandra Barilli sjá um að bóka alla tónleika og aðra viðburði. Einnig munum við bæta karókíherbergið í kjallaranum. Hér verða allar tegundir af danstónlist, og aldrei að vita nema við tendrum upp sveitaballastemminguna aftur en ungar hljómsveitir eins og Bjartar sveiflur og Babies eru að spila lög eftir þessi gömlu bönd og alltaf stappað,“ segir Andrés.

„Mánudjassinn heldur sínum stað á mánudagskvöldum og aðrir skemmtilegir viðburðir inn á milli svo sem uppistand, live karókí og jafnvel borðtennismót þegar við erum í þannig stuði,“ bætir hann við.

Gestir geta litið endurnýjaðan staðinn augum í kvöld en formlegt opnunarpartý er á morgun.

„Í kvöld fer fram Grapevine musicawards en við opnum Húrra dansbar með pompi og prakt á laugardagskvöld frá klukkan 20 til 05 um morguninn. Við munum bjóða upp á live Djazz, Dj-a og live karókí svo eitthvað sé nefnt. Og að sjálfsögðu verða fríi drykkur fyrir fyrstu gesti í boði.“

Húrra dansbar muni blómstra eins og „fulla kanínan“

Þeir félagar eru með þessu að færa út kvíarnar en fyrir reka þeir írska barinn Drunk Rabbit í Austurstrætinu. „Við höfum mjög gaman af því að rifja upp að enginn hafði trú á því á sínum tíma að það væri hægt að opna  írskan pöbb í Austurstrætinu. Drunk Rabbit hefur hins vegar blómstrað síðustu þrjú árin og við höfum einnig mikla trú á nýju Húrra.“

Þessi kynning er unnin í samstarfi við Húrra dansbar



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.