Lífið

Sjáðu hvernig Will Smith lítur út sem Andinn í nýju Aladín-myndinni

Tryggvi Páll Tryggvason skrifar
Will Smith til hægri, Mena Massoud til vinstri.
Will Smith til hægri, Mena Massoud til vinstri. Mynd/Disney

Disney hefur gefið út stiklu fyrir endurgerð Aladin-myndarinnar sem gerði allt vitlaust árið 1992. Will Smith leikur Andann og sést hann í fyrsta skipti í hlutverkinu í stiklunni.

Myndin sem kom út árið 1992 var teiknimynd og skartaði Scott Weinger í hlutverki Aladíns og Robin Williams í hlutverki Andans. Felix Bergsson og Laddi túlkuðu sömu hlutverk í íslenskri þýðingu myndarinnar.

Í frétt The Verge segir að margir hafi beðið með eftirvæntingu eftir að sjá hvernig Smith túlkar Andann og í stiklunni má í fyrsta sinn sjá Smith bregða fyrir í hlutverkinu.

Hin nýja Disney-mynd er hins vegar leikin og er í leikstjórn breska leikstjórans Guy Ritchie. Mena Massoud leikur Aladín, Naomi Scott leikur Jasmín en myndin verður frumsýnd þann 24. maí næstkomandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.