Fótbolti

Alfreð í hópnum en enginn Jón Daði

Óskar Ófeigur Jónsson skrifar
Alfreð Finnbogason.
Alfreð Finnbogason. Getty/ Michael Regan

Erik Hamrén er búinn að velja mennina sem byrja undankeppni EM 2020 fyrir Íslands hönd.

Erik Hamrén, þjálfari íslenska karlalandsliðsins í knattspyrnu, og aðstoðarmaður hans Freyr Alexandersson tilkynntu í dag hópinn sinn fyrir fyrstu tvo leiki Íslands í undankeppni EM 2020.

Ísland mætir Andorra og Frakklandi á útivelli 22. og 25. mars næstkomandi.

Framherjinn Alfreð Finnbogason er í hópnum en hann hefur verið að glíma við meiðsli og hefur misst af mörgum leikjum með Augsburg að undanförnu. Jón Daði Böðvarsson er ekki valinn að þessu sinni.

Arnór Sigurðsson heldur sæti sínu í liðinu og það gerir Guðlaugur Victor Pálsson.

Erik Hamrén kemur ekki mikið á óvart í vali sínu að þessu sinni en aðalbreytingin frá síðasta keppnisleik er að nú glíma mun færri fastamenn við meiðsli.

Í síðasta keppnisleik Ísland undir stjórn Hamrén voru margir leikmenn meiddir þar á meðal Gylfi Þór Sigurðsson og Jóhann Berg Guðmundsson. Birkir Bjarnason og Alfreð Finnbogason misstu líka af þeim leik vegna meiðsla. Emil Hallfreðsson missti af þeim leik og er enn meiddur.

Eftir slakt gengi í Þjóðadeildinni síðasta haust er mikilvægt að íslenska liðið sýni betri leik nú og byrji undankeppni vel.

Erik Hamrén er enn að bíða eftir sínum fyrsta sigurleik sem þjálfari íslenska liðsins en liðið tapaði öllum fjórum leikjum sínum Þjóðadeildinni.

Íslenska liðið hefur nú spilað fimmtán leiki í röð án þess að vinna þar af voru tveir vináttuleikir í Katar í janúar sem enduðu báðir með jafntefli á móti Svíþjóð og Eistlandi.



Landsliðshópur Íslands fyrir leikina á móti Andorra og Frakklandi:

Markverðir
Hannes Þór Halldórsson, Qarabag
Ögmundur Kristinsson, Larissa
Rúnar Alex Rúnarsson, Dijon

Varnarmenn
Ragnar Sigurðsson, Rostov
Kári Árnason, Genclerbirligi
Sverrir Ingi Ingason, PAOK
Ari Freyr Skúlason, Lokeren
Hörður Björgvin Magnússon, CSKA Moskva
Birkir Már Sævarsson, Val
Jón Guðni Fjóluson, Krasnodar
Hjörtur Hermannsson, Bröndby

Miðjumenn
Aron Einar Gunnarsson, Cardiff
Arnór Sigurðsson, CSKA Moskva
Jóhann Berg Guðmundsson, Burnley
Birkir Bjarnason, Aston Villa
Arnór Ingvi Traustason, Malmö
Rúnar Már Sigurjónsson, Grasshopper
Rúrik Gíslason, Sandhausen
Guðlaugur Victor Pálsson, Darmstadt

Sóknarmenn
Gylfi Þór Sigurðsson, Everton
Alfreð Finnbogason, Augsburg
Björn Bergmann Sigurðarson, Rostov
Albert Guðmundsson, AZ Alkmaar



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.