Lífið

„Hefði ekki viljað hafa neinn annan með mér í þessu“

Stefán Árni Pálsson skrifar
Sólmundur Hólm fer um víðan völl í viðtalinu.
Sólmundur Hólm fer um víðan völl í viðtalinu. vísir/vilhelm

Síðastliðinn áratug hefur Sólmundur Hólm Sólmundarson starfað sem skemmtikraftur og heillað þjóðina upp úr skónum. Árið 2017 greindist Sóli með eitlakrabbamein og við tók heljarinnar barátta við meinið. Á þeim tíma var hann nokkuð nýlega byrjaður í sambandi með fjölmiðlakonunni Viktoríu Hermannsdóttir sem stóð þétt við bakið á honum í gegnum allt ferlið. Sólmundur er gestur vikunnar í Einkalífinu.

„Stundum hittast aðilar sem laða fram það besta í hvort öðru, sem er auðvitað klisja að segja en það er bara þannig,“ segir Sóli um unnustu sína en saman eiga þau von á stúlku hvað á hverju.

„Við erum að vinna í ekkert svo ólíkum geira og maður finnur sinn sálufélaga einhvern veginn í þessu. Það er ótrúlega gott. Hún er búin að fara í gegnum ótrúlegustu hluti með mér á ótrúlega stuttum tíma. Við vorum búin að vera saman í eina meðgöngu þegar ég greinist með krabbamein. Ég hefði ekki viljað hafa neinn annan með mér í þessu. Það skiptir máli hvernig fólk er. Ekki of dramatískt en samt með hlýju, væntumþykju og skilning,“ segir Sóli sem vill meina að hans ferill og hans líf hafi farið upp á við eftir að hann kynntist Viktoríu.

Í þættinum ræðir hann einnig um upphaf ferilsins, bróður sinn Sigurð Sólmundarson, sem gengur undir nafninu Buddan eða Costco gaurinn, baráttuna við krabbameinið, nýja uppistandssýningu og um það hversu lélegur drykkjumaður hann er í raun og veru.

Hér að ofan má sjá sjötta þáttinn af Einkalífinu en þátturinn vikulegi er í loftinu á fimmtudögum á Vísi og Stöð 2 Maraþon.


Tengdar fréttir

„Var kannski aðeins meðvirk með ástandinu“

Sjónvarpskonan Eva Laufey Kjaran Hermannsdóttir hefur verið á sjónvarpsskjáum landsmanna undanfarin ár og þá aðallega sem sjónvarpskokkur. Núna er Eva orðin dagskrágerðarmaður í þættinum Íslandi í dag á Stöð 2.

Kristbjörg hefur fórnað miklu fyrir mig

Aron Einar Gunnarsson landsliðsfyrirliði og leikmaður Cardiff í ensku úrvalsdeildinni gaf á dögunum út bókina Aron – Sagan mín. Þar fer hann ítarlega yfir ferilinn, uppvaxtarárin á Akureyri og lífið í heild sinni.

„Hún er algjörlega stelpan fyrir mig“

Gunnar Nelson er besti bardagamaður Íslands og hefur náð gríðarlega langt í sínu sporti og þá sérstaklega í UFC. Hann er í 14. sæti á styrkleikalistanum hjá UFC og mætir Alex Oliveira í Toronto þann 8. desember.

Páll Óskar ætlar alfarið að sniðganga Eurovision

"Ég fer í Eurovision þegar það kemur flott lag og ég hef ekki fengið inn lag sem kýlir mig kaldan,“ segir Páll Óskar Hjálmtýsson sem er áttundi gestur Einkalífsins en í þáttunum er rætt við fólk sem skarar fram úr á sínu sviði.

Pabbi var mín besta forvörn

Heiðar Logi Elíasson er einn þekktasti brimbrettakappi landsins. Hann starfar meðal annars sem fyrirsæta, er með sítt, ljóst og fallegt hár og vakti athygli lesenda Vísis á dögunum þegar hann var fastur í Málmey í fjóra daga án vatns og matar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.