Viðskipti innlent

Ræða tilboð sitt en ekki Icelandair

Kolbeinn Tumi Daðason skrifar
Flugfreyjur klappa fyrir sínu fólki í samninganefndinni á leið til fundar á dögunum.
Flugfreyjur klappa fyrir sínu fólki í samninganefndinni á leið til fundar á dögunum. Vísir/Vilhelm

Samninganefnd Flugfreyjufélags Íslands hefur ekki í hyggju að kynna „lokatilboð“ Icelandair til félagsins fyrir félagsmönnum sínum. Á fundum flugfreyja í dag mun orkan fara í að ræða tilboð flugfreyja til flugfélagsins.

Óhætt er að segja að Hilton Nordica-hótelið á Suðurlandsbraut verði lagt undir Icelandair í dag. Flugfreyjur hittast á nokkrum fundum yfir daginn til að allar komist að vegna sóttvarnatakmarkana. Klukkan fjögur er svo fyrirhugaður hluthafafundur flugfélagsins.

Flugvélar Icelandair við Leifsstöð fá fæstar að fara í loftið þessa dagana. Aðeins hefur verið boðið upp á takmörkuð flug til Stokkhólms, London og Boston samkvæmt samkomulagi við íselnska ríkið.Vísir/Vilhelm

Talsverður hiti færðist í viðræður FFÍ og Icelandair í gærkvöldi eftir að Bogi Nils Bogason forstjóri Icelandair sendi starfsfólki bréf, þar sem hann útlistaði síðasta tilboð sem félagið lagði fram í kjaradeilunni. Guðlaug Líney Jóhannsdóttir, formaður Flugfreyjufélags Íslands, sagði í yfirlýsingu í kjölfarið að með bréfinu bryti Bogi lög um stéttarfélög og vinnudeilur.

Ekki hefur farið fram formlegur samningafundur í deilunni síðan í byrjun vikunnar en þá hafnaði samninganefnd FFÍ áðurnefndu „lokatilboði“ Icelandair.

Vildi geta undirbúið sig fyrir fundinn

Flugfreyjur ræða málið í hópi Flugfreyjufélagsins á Facebook. Þar spurði ein flugfreyja hvort ekki væri mögulegt að samninganefndin sendi flugfreyjunum tilboðið frá Icelandair svo þær gæti undirbúið sig betur fyrir fundinn í dag. Sett sig inn í hvað væri í gangi.

„Mig langar að vita hvað það er sem við erum að sýna samstöðu um,“ sagði Jarþrúður Guðnadóttir, flugfreyja og formaður Flugfreyjukórsins.

Bogi Nils Bogason, forstjóri Icelandair, er í hlutafjársöfnun þessa dagana. Hluthafafundur er seinni partinn í dag á Hilton.Vísir/Vilhelm

Sigrún Jónsdóttir svaraði beiðninni neitandi fyrir hönd samninganefndarinnar. Alla jafna eru tilboð í samningaviðræðum ekki send félagsmönnum nema þegar þau hafa verið samþykkt og borin undir félaga í atkvæðagreiðslu. Samkvæmt heimildum fréttastofu hefur hluti flugfreyja mikinn áhuga á að vita í hverju lokatilboðið fólst.

Hvetur flugfreyjur til samstöðu

Sigrún skrifaði hvatningarpóst til flugfreyja í hópnum, sagðist hlakka til að sjá þær og hvatti til að standa keikar.

„Eins og ég tiltók í gær er það ennþá ein af kröfum fyrirtækisins að staða B ff yrði lögð niður, kröfur um aukið vinnuframlag er ekki ný krafa og verður ekki tengd Covid19, ekki að öllu leit, þar sem að þessi krafa var upp á borði frá viðsemjendum okkar fyrir ári síðan,“ sagði Sigrún.

„Frá því í janúar 2019 og til dagsins í dag hefur sú krafa tekið breytingum...allt frá því að vera krafa um aukningu úr 65 í 78 fyrir sömu laun og svo núna upp á síðkastið var það 99-100 flugstundir á alla en launatrygging samt 70-78 stundir. Þessu hefur verið hafnað á ýmsa vegu.“

Jón Þór Þorvaldsson, formaður Félag Íslenskra atvinnuflugmanna, sem greiða atkvæði um nýjan kjarasamning í dag. Vísir/Vilhelm

Ekkert þeirra sem sitji í samninganefndinni sé með lokuð augun gagnvart því grafalvarlega ástandi sem uppi sé í öllum heiminum.

„Við hins vegar ætlum ekki að taka þegjandi við krföum sem eru rúmlega ársgamlar sem hafa bara aukist undir þeim formerkjum að núna sé ástandið grafalvarlegt. Okkur ber skylda til að standa vörð um það sem hefur áunnist, meta breyttar aðstæður og velja og hafna hvað það er sem má breyta og eða taka út úr kjarasamningi. Við gerum það með galopin augun svo það sé klárt!“

Ekki upplifað annað eins síðan 1995

Sigrún minnir á uppáhaldsorðið sitt, samstaða. Hún hafi ekki á sínum 34 árum í starfinu upplifað annað eins nema ef vera skyldi þriggja daga verkfall árið 1995 þar sem flugfreyjur hafi staðið saman allar sem ein.

„Við förum í gegnum þetta, ég hef fulla trú á því, samstaðan og styrkurinn sem okkur berst frá öðrum stéttarfélögum og ekki síst samtökum, sem við erum með aðild að erlendis (NTF, ETF) styrkja mig í þeirri trú.“

Flugvirkjar hafa skrifað undir nýjan kjarasamning við Icelandair. Atkvæðagreiðslur flugmanna um nýjan kjarasamning lýkur í dag.

Uppfært klukkan 15: Flugfreyjur sem fréttastofa hefur rætt við segja að spurningum um hið svokallaða lokatilboð Icelandair hafi verið svarað á fundinum í dag. Mikil samstaða sé meðal flugfreyja.


Tengdar fréttir

Góð staða Play kom Ragnari Þór á óvart

Um leið og Ragnar Þór Ingólfsson, formaður VR, biður aðstandendur flugfélagsins Play afsökunar á yfirlýsingum sínum segir hann það hafa komið sér á óvart hversu langt undirbúningur þess er kominn.

Icelandair missti af lestinni fyrir 18 árum

Árið 2002 fékk Icelandair gullið tækifæri til að lækka rekstrarkostnað og búa sig undir vaxandi samkeppni. Þetta ár kom Iceland Express til skjalanna. Með mun lægri kostnaði og sveigjanleika í rekstri gat Iceland Express boðið lægri fargjöld en Icelandair nokkru sinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
10,53
110
31.355
ORIGO
3,86
18
51.555
SYN
3,7
39
170.973
REITIR
3,31
16
102.233
SJOVA
3,27
12
45.573

Mesta lækkun dagsins


Félag
Br.%
Fjöldi
Velta*
EIM
0
7
7.694
Velkomin á Vísi. Þessi vefur notar vafrakökur. Sjá nánar.