Körfubolti

Reif niður hringinn í Ljónagryfjunni

Anton Ingi Leifsson skrifar
Mario með körfuna um hálsinn.
Mario með körfuna um hálsinn. vísir/getty

Mario Matasovic, leikmaður Njarðvíkur í Dominos-deild karla, hefur greinilega tekið vel á því á tímum kórónuveirunnar því þegar hann fékk leyfi til þess að mæta í Ljónagryfjuna braut hann körfuna.

Heimasíða Njarðvíkur greinir frá þessu á vef sínum í dag en þar segir að hinn 27 ára gamli Króati hafi rifið það vel í járnin á tímum COVID19 að ein karfan gaf eftir.

„Vanalega rífa menn eitthvað úr spjaldinu með þegar svona nokkuð gerist en Super Mario sleit járnið í sundur. Með þessu áframhaldi þarf að sérstyrkja hringina fyrir átökin í Domino´s þegar okkar maður fer á flug í húsum landsins.“

Njarðvík var í 5. sæti deildarinnar með 26 stig er deildin var blásin af en Mario var með tæplega tíu fráköst að meðaltali í leik sem og rúm fjórtán stig. Hann framlengdi samning sinn við félagið eftir leiktíðina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.