Viðskipti erlent

Eigendur dísilbíla eiga rétt á bótum frá Volkswagen

Kjartan Kjartansson skrifar
Volkswagen kom fyrir ólöglegum hugbúnaði í dísilbílum sem dró tímabundið úr magni svifryks í útblæstri á meðan þeir voru í mengunarprófum. Fyrirtækið hefur þurft að greiða þúsundi milljarða í skaðabætur og sektir vegna svikanna.
Volkswagen kom fyrir ólöglegum hugbúnaði í dísilbílum sem dró tímabundið úr magni svifryks í útblæstri á meðan þeir voru í mengunarprófum. Fyrirtækið hefur þurft að greiða þúsundi milljarða í skaðabætur og sektir vegna svikanna. Vísir/EPA

Dómstóll í Þýskalandi komst að þeirri niðurstöðu að bílaframleiðandinn Volkswagen þyrfti að greiða eigendum dísilbíla sem fyrirtækið átti við til að blekkja yfirvöld bætur í dag. Tugir þúsunda dómsmála hafa verið höfðuð í Þýskalandi vegna útblásturshneykslisins.

Volkswagen varð uppvíst að því að eiga við vélar í dísilbílum til þess að fela fyrir yfirvöldum hversu mikið bílarnir menguðu. Hugbúnaður, sem komið var fyrir í bílunum, gerði það að verkum að útblástur þeirra var hreinni þegar þeir voru í útblástursprófum en þegar þeir voru komnir á götuna.

Þeir sem keyptu slíka bíla eiga rétt á að skila þeim og fá kaupverðið endurgreitt að hluta með dómi dómstóls í Karlsruhe í dag. Reuters-fréttastofan segir að dómurinn sé mikið áfall fyrir þýska bílaframleiðandann þar sem hann setur fordæmi fyrir um 60.000 dómsmál sem bíða úrlausnar á neðri stigum þýska réttarkerfisins.

Útblásturshneykslið hefur þegar kostað Volkswagen meira en þrjátíu milljarða evra, jafnvirði tæplega 4.700 milljarða íslenskra króna, í skaðabótagreiðslur og stjórnvaldssektir til þessa.

Bandarísk yfirvöld tóku Volkswagen-bílana úr umferð sem leiddi til skaðabótakrafna. Bílarnir voru ekki bannaðir í Evrópu og héldu lögmenn bílaframleiðandans því fram að skaðabótakröfur ættu ekki rétt á sér þar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
1,69
11
246.884
ICESEA
1,02
2
276
MAREL
1
3
656
EIM
0,71
3
3.331
ICEAIR
0,57
17
2.247

Mesta lækkun dagsins


Félag
Br.%
Fjöldi
Velta*
HAGA
-0,81
3
2.424
TM
-0,75
2
1.743
ARION
-0,45
12
178.970
EIK
-0,28
1
760
SJOVA
-0,25
2
3.253
Velkomin á Vísi. Þessi vefur notar vafrakökur. Sjá nánar.