Innlent

Boðað til upplýsingafundar í dag

Kjartan Kjartansson skrifar
Þríeykið svonefnda situr fyrir svörum á upplýsingafundi dagsins.
Þríeykið svonefnda situr fyrir svörum á upplýsingafundi dagsins. Vísir/Vilhelm

Fulltrúar landlæknis og almannavarna boða til upplýsingafundar um kórónuveirufaraldurinn klukkan 14:00 í dag. Nýjar og hertar sóttvarnareglur tóku gildi í gær eftir nýlega fjölgun nýrra smita.

Þórólfur Guðnason, sóttvarnalæknir og Alma D. Möller, landlæknir fara yfir stöðu mála, varðandi framgang COVID-19 faraldursins hér á landi, ásamt Víði Reynissyni, yfirlögregluþjóni hjá almannavarnadeild ríkislögreglustjóra, á fundinum.

Sjö ný innanlandssmit greindust á landinu í gær samkvæmt nýjustu tölum á upplýsingavefnum Covid.is. Nú eru 58 manns í einangrun og hefur þeim fjölgað verulega undanfarna daga.

Samkomur fleiri en hundrað manns voru bannaðar í gær og þá var tveggja metra fjarlægðar regla aftur gerð að skyldu. Gripið var til frekari takmarkana á landamærunum sömuleiðis og þurfa ferðamenn sem ætla sér að dvelja í tíu daga eða lengur nú að viðhafa heimkomusmitgát og fara í tvöfalda sýnatöku.

Upplýsingafundurinn verður sýndur í beinni útsendingu hér á Vísi og á sjónvarpsstöðinni Stöð 2 Vísi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.