Lífið kynningar

Stórtónleikar í Austurbæ í opinni dagskrá – Samkomubann!

Ragnheiður Tryggvadóttir
Samkomubann tónleikar í beinni. Bríet, Friðrik Dór, GDRN, Jón Jónsson, Jói P. Og Króli, Una Schram, Sturla Atlas og Flóni koma fram.
Samkomubann tónleikar í beinni. Bríet, Friðrik Dór, GDRN, Jón Jónsson, Jói P. Og Króli, Una Schram, Sturla Atlas og Flóni koma fram.

Stöð 2, Vísir og Bylgjan slá upp stórtónleikum í Austurbæ á laugardagskvöldið ásamt mörgu af besta tónlistarfólki þjóðarinnar undir yfirskriftinni Samkomubann. Nafnið á vel við, það er harðbannað að mæta! Tónleikarnir verða sýndir í opinni dagskrá á Stöð 2, Vísi og Bylgjunni.

„Okkur langar að gleðja landsmenn og skemmta þeim á þessum óvissutímum. Flestir eru heima í faðmi fjölskyldunnar og við ætlum að bjóða upp á stórtónleika í beinni útsendingu heim í stofu,“ segir Þórhallur Gunnarsson, framkvæmdastjóri fjölmiðla Stöðvar 2.

Rjómi íslenskra tónlistarmanna kemur fram, Bríet, Friðrik Dór, Jónas Sig, GDRN, Jón Jónsson, Jói P. og Króli, Una Schram, Sturla Atlas og Flóni.

Margir koma að framkvæmdinni og segir Þórhallur alla hafa lagst á eitt til að úr verði glæsilegir tónleikar sem fólk getur upplifað heima.

„Við erum mjög þakklát þessum frábæru listamönnum og einnig tækjaleigunni Luxor sem leggur til mannskap og tæki. Ekki síst fá rekstraraðilar Austurbæjar miklar þakkir fyrir að leggja til einn besta tónleikasal borgarinnar. Þetta verður bara skemmtilegt.”

Tónleikarnir hefjast strax að loknum fréttum og íþróttum kl. 19.05 annað kvöld og verða sýndir í opinni dagskrá á Stöð 2, Vísi og Bylgjunni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.