Lífið

Telur að ferða­manna­bransinn á Tene fari ekki á flug fyrr en í haust

Stefán Árni Pálsson skrifar
Svali býr ásamt fjölskyldu sinni á Tenerife á Spáni.
Svali býr ásamt fjölskyldu sinni á Tenerife á Spáni.

„Hér er bara enginn á ferð, bara núll, og allir heima,“ segir Sigvaldi Kaldalóns, fararstjóri á Tenerife, sem er oftast þekktari sem einfaldlega Svali en hann var í viðtali í Brennslunni á Fm957 í gær. 

Svali er búsettur á Tenerife en á Spáni er útgöngubann um þessar mundir vegna kórónufaraldsins sem veldur Covid-19 sjúkdómnum.

„Þetta er bara óþægilegt að mega ekkert fara út og sérstakalega var það þannig fyrstu dagana sem voru í raun súrealískir. Núna megum við ekki fara út með ruslið nema vera með grímur og hanska. Þetta minnir mann alltaf bara á Palla einan í heiminum, það er enginn á ferðinni, enginn.“

Hann segir að fréttir hafi borist frá spænskum stjórnvöldum í byrjun vikunnar að útgöngubannið yrði framlengt til 12. apríl.

„Svo það eru alveg þrjár vikur í viðbót, takk fyrir. Ég held hreinlega að hér eigi voðalega lítið eftir að gerast í ferðamannaiðnaðnum fyrr en næsta haust. Það eru einhverjir að koma í sumar sem eiga pantað en maður þorir voðalega lítið að segja. Það versta við þetta allt saman er að þetta verður bara að koma í ljós.“

Svali segir að fjölskyldan reyni að halda rútínu með fjölskyldu sinni meðan þetta standi yfir.

„Maður er sannarlega ekki í neinu átaki þessa dagana og maður er bara síétandi og ég ætla bara að leyfa mér það meðan þetta stendur yfir.“

Hér að neðan má hlusta á viðtalið í heild sinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.