Rafíþróttir

Bein útsending: Fylkir og Þór takast á í Counter Strike

Samúel Karl Ólason skrifar
Í Vodafone deildinni er keppt í rafíþróttum.
Í Vodafone deildinni er keppt í rafíþróttum.

Vodanfone deildin hefst í kvöld þegar keppt verður bæði í Counter Strike: Global Offensive og League of Legends. Fylkir og Þór Akureyri etja kappi í CSGO og þrjú lið keppa í LoL.

Hér að neðan má fylgjast með viðureign Fylkis og Þórs, sem er sýnd í beinni útsendingu á Stöð 2 eSport. Leikurinn hefst klukkan 19:45 og stendur yfir til ellefu.

Klippa: Vodafone deildin - Fylkir vs. Þór Akureyri

Viðureign KR og FH í LoL má sjá hér á Twitch.

Viðureignir Fylkis og Turboapes United annars vegar og Samnio eSports og Tindastóls verða hinsvegar sýndar á morgun.

Mikið um að vera fram á sumar

Sýnt verður frá öllum viðureignum á miðvikudögum á meðan spilað er í Vodafone deildinni og hefjast útsendingarnar klukkan 19:30. Útsendingunni stýra Kristján Einar Kristjánsson og Tómas Jóhannsson betur þekktir sem Monty! Og Izedi í rafíþróttaheiminum, en þeir hafa mannað lýsendaborðið síðasta árið.

Hægt verður að fylgjast með útsendingum á Twitch rás RÍSÍ eins og áður en einnig mun vera hægt að horfa í gegnum Vísi og í opinni dagskrá á Stöð 2 esport, nýstofnaðri rás sem mun sýna frá bæði innlendum og erlendum rafíþróttum.

Samantektarþáttur þar sem farið er yfir hasarinn úr öllum leikjum vikunnar fer síðan í loftið beint eftir síðasta leik á miðvikudegi og er sýndur aftur á fimmtudegi fyrir þá sem misstu af honum í beinni. Í gær fór í loftið upphitunarþáttur sem hægt er að horfa á hér.

Hér má sjá frekari upplýsingar um hvernig keppnisfyrirkomulagið verður fram á sumar.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.